◽ മാർത്തോമാശ്ലീഹാ ദയറാ ◽ ദയറാ ജീവിതശൈലിയും സന്യാസസമൂഹങ്ങളും തമ്മിലുള്ള വിത്യാസം ◽ മാർത്തോമാശ്ലീഹാ ദയറാ ഇന്നലകളിൽ... ഇനി മുതൽ...

മാർത്തോമാശ്ലീഹാ ദയറാ_നല്ലതണ്ണി

പൗരസ്ത്യ കത്തോലിക്കാ സഭയായ സീറോമലബാർ സഭയിൽ പുരുഷന്മാർക്കു വേണ്ടി ഇദംപ്രഥമായി സ്ഥാപിതമായ ആശ്രമമാണിത്. സമുദ്രനിരപ്പിൽ നിന്ന് മൂവായിരം അടി മുകളിൽ അറബിക്കടലിനഭിമുഖമായി ഉയർന്നുനില്ക്കുന്ന ഈ ആശ്രമത്തിൻ്റെ പശ്ചാത്തലം ഏകാന്തതയ്ക്കും ഏകാഗ്രതയ്ക്കും പഠനത്തിനും പ്രാർത്ഥനയ്ക്കും അനുകൂല സാഹചര്യം സൃഷ്ടിക്കുന്നു. സസ്യഭക്ഷണമാണ് ആശ്രമത്തിലേത്. കാഞ്ഞിരപ്പള്ളി രൂപതയിലെ നല്ലതണ്ണിയിലാണ് ഈ ആശ്രമം സ്ഥിതിചെയ്യുന്നത്. കാഞ്ഞിരപ്പള്ളി രൂപതാദ്ധ്യക്ഷൻ മാർ മാത്യു വട്ടക്കുഴിയുടെ ഔദ്യോഗിക അംഗീകാരത്തോടെ ബഹു. ഡോ. കൂടപ്പുഴ സേവ്യർ അച്ചൻ ആരംഭിച്ചതാണ് ഈ ആശ്രമം. മാർത്തോമ്മാ ക്രിസ്ത്യാനികളുടെ തനിമയാർന്ന ആദ്ധ്യാത്മിക പൈതൃകം വളർത്തുകയാണ് ഈ ആശ്രമപ്രസ്ഥാനത്തിൻ്റെ ഏക ലക്ഷ്യം.

ദയറാ ജീവിത ശൈലിയും മറ്റ് സന്യാസ ജീവിതശൈലിയും തമ്മിലുള്ള വിത്യാസം

പ്രധാനമായും രണ്ട് വ്യത്യാസങ്ങളാണ് ഉള്ളത്

1) കാനോൻ നിയമം 

2) സവിശേഷത ( Charism)

1) കാനോൻ നിയമം

ദയറാ, പൗരസ്ത്യ കാനോൻ നിയമസംഹിതയിലെ 433 മുതൽ 503 വരെയും മറ്റ് സന്യാസ സമൂഹങ്ങൾ(ഉദാ: ബാനഡിക്റ്റ് ആശ്രമം) Order and Congregations ന്റെ 504 മുതൽ 553 വരെയുമുള്ള കാനോൻ നിയമങ്ങളാണ് പിന്തുടരുക

ഇവ രണ്ടും രണ്ട് അധ്യായങ്ങളാണ്.

2) സവിശേഷത ( Charism)

ദയറാ ജീവിതശൈലി ജറുസലേമിലെ ആദിമ ക്രൈസ്തവ സമൂഹത്തിന്റെ ജീവിത രീതിയുടെ പിന്തുടർച്ചയാണ്.

വ്യക്തമായി പറഞ്ഞാൽ ഏതെങ്കിലും ഒരു വിശുദ്ധന്റെ ജീവിതശൈലിയുടെ പിന്തുടർച്ചയോ അതുമല്ലെങ്കിൽ സ്ഥാപകന്റെ  ദർശനങ്ങളോ അല്ല അംഗങ്ങൾ പിന്തുടരുന്നത് മറിച്ച് സഭയുടെ കാഴ്ച്ചപാടുകളാണ്.

അതിനാൽ പൗരസ്ത്യ കാനാൻ നിയമ സംഹിതയിൽ 'monks and other religious' എന്നാണ് ദയറാ പറയപെടുക.

എന്നാൽ മറ്റ് സന്യാസസമൂഹങ്ങൾ ഏതെങ്കിലും വിശുദ്ധന്റെ ജീവിതശൈലിയുടെ പിന്തുടർച്ചയോ അതുമല്ലെങ്കിൽ സ്ഥാപകന്റെ  ദർശനങ്ങളോ ആണ്  പിന്തുടരുന്നത്. 

ഉദാ: OSB - Order of Saint Benedict

ഇപ്രകാരമുള്ളവർ Order, Institute, Congregations എന്നൊക്കെ അറിയപെടുന്നു. 

മാർത്തോമാശ്ലീഹാ ദയറാ ഇന്നലകളിൽ... ഇനിമുതൽ... 

മാർത്തോമാ ശ്ലീഹാ ദയറാ ഇതുവരെ സഭയുടെ അംഗീകാരമുള്ള ഒരു സമൂഹം മാത്രമായിരുന്നു. മെത്രാന്റെ അംഗീകാരത്തോടെ തന്നെ!

എന്നാൽ ഇനി മുതൽ 'Sui Iris' കല്പന പ്രകാരം ഇ ദയറാ സ്വയാധികാരമുള്ള ദയറായായി ഉയർത്തപെട്ടിരിക്കുന്നു.

ഇപ്രകാരം സീറോ മലബാർ സഭയിൽ പുരുഷൻമാർക്കായി ഉയർത്തപെടുന്ന ആദ്യത്തെ ദയറായാണ് മാർത്തോമാ ശ്ലീഹാ ദയറാ. 

മാർത്തോമാസഹോദരികളുടെ കുറുമ്പനാടതുള്ള സ്ത്രീകൾക്കായുള്ള ദയറാ ഇതുപോലെ സ്വയാധികാരമുള്ള മറ്റൊരു ദയറായാണ്.

- നസ്രാണി മാർഗ്ഗം (മാർത്തോമാശ്ലീഹാ ദയറാ അസോസിയേറ്റ് അംഗങ്ങൾ)

Read More

ശ്ലീഹാക്കാലത്തിൽ ചൊല്ലുവാൻ സാധിക്കുന്ന ജപമാല രഹസ്യങ്ങൾ

സ്നേഹമുള്ളവരെ,
ഇന്ന് റംശായോടു കൂടി ശ്ലീഹാക്കാലം ആരംഭിച്ചുവല്ലോ!
ശ്ലീഹാക്കാലത്തിന്റെ ചൈതന്യത്തിൽ കുടുംബപ്രാർത്ഥനയിലും, സ്വകാര്യ പ്രാർത്ഥനയിലും ചൊല്ലുവാൻ സാധിക്കുന്ന ജപമാലയുടെ ധ്യാനരഹസ്യങ്ങൾ ഇതോടൊപ്പം പങ്കുവെയ്ക്കുന്നു.

ഒന്നാം രഹസ്യം
(ശ്ലീഹാ 02:1-13, യോഹന്നാൻ 14:15-26)

പരിശുദ്ധ ദൈവമാതാവേ, അങ്ങേ തിരുക്കുമാരൻ സ്വർഗ്ഗാരോഹണം ചെയ്തതിന്റെ പത്താം ദിവസം സെഹിയോൻ ശാലയിൽ ധ്യാനിച്ചിരുന്ന തന്റെ ശിഷ്യൻമാരുടെ മേലും അങ്ങയുടെ മേലും പരിശുദ്ധാൽമാവിനെ അയച്ചതിനെ ഓർത്ത് ധ്യാനിക്കുന്ന ഞങ്ങൾ പരിശുദ്ധാൽമാവിന്റെ കൃപാവരത്താൽ ദൈവതിരുമനസ്സ് അനുസരിച്ചു ജീവിക്കുവാൻ സഹായിക്കണമേ.

1 സ്വർഗ്ഗ, 10നന്മ, 1ത്രിത്വ

രണ്ടാം രഹസ്യം
(ശ്ലീഹാ 21:37-42, യോഹ 16:07-15)

പരിശുദ്ധ ദൈവമാതാവേ നിന്റെ തിരുക്കുമാരൻ സഭയുടെ തലവനായി നിയോഗിച്ച പത്രോസ് ശ്ലീഹാ പന്തക്കുസ്താ ദിവസം പരിശുദ്ധാൽമാവിനാൽ നിറഞ്ഞവനായി സുവിശേഷം പ്രഘോഷിക്കുകയും അങ്ങനെ ജറുസലേമിൽ ആദിമസഭാ സമൂഹം സ്ഥാപിക്കപ്പെടുകയും ചെയ്തതിനെയോർത്ത് ധ്യാനിക്കുന്ന ഞങ്ങൾ ആദിമ സഭയുടെ ചൈതന്യത്തിൽ വളരുവാൻ സഹായിക്കണമേ.

1 സ്വർഗ്ഗ, 10നന്മ, 1ത്രിത്വ

മൂന്നാം രഹസ്യം
(ശ്ലീഹാ 03:01-10)

പരിശുദ്ധ ദൈവമാതാവേ, നിന്റെ തിരുക്കുമാരന്റെ വത്സലശിഷ്യൻമാരായ പത്രോസും യോഹന്നാനും ദൈവാലയ കവാടത്തിൽ ഭിക്ഷ യാചിച്ചുകൊണ്ടിരുന്ന മുടന്തനെ ഈശോമിശിഹായുടെ നാമത്തിൽ സുഖപെടുത്തിയതിനെയോർത്ത് ധ്യാനിക്കുന്ന ഞങ്ങൾ ദൈവദാനമായി ലഭിച്ച കൃപാവരങ്ങൾ വഴി സഹജർക്ക് നന്മകൾ ചെയ്യുവാൻ സഹായിക്കണമേ.

1 സ്വർഗ്ഗ, 10നന്മ, 1ത്രിത്വ

നാലാം രഹസ്യം
(ശ്ലീഹാ 04:32, 5:11)

പരിശുദ്ധ ദൈവമാതാവേ, പരിശുദ്ധാൽമാവിൽ നിന്ന് ശക്തി ധരിച്ച ശ്ലീഹന്മാരാൽ നയിക്കപ്പെട്ടിരുന്ന ആദിമസഭയുടെ ചൈതന്യത്തിന് നിരക്കാത്തവിധം വിശുദ്ധ പത്രോസിന്റെ മുമ്പിൽ വ്യാജം പ്രവർത്തിച്ച ദമ്പതികൾ ശിക്ഷിക്കപ്പെട്ടതിനെയോർത്ത് ധ്യാനിക്കുന്ന ഞങ്ങളുടെ കുടുംബങ്ങളെ ദൈവസ്നേഹ ചൈതന്യത്താൽ നിറയ്ക്കുവാൻ സഹായിക്കണമേ.

1 സ്വർഗ്ഗ, 10നന്മ, 1ത്രിത്വ

അഞ്ചാം രഹസ്യം
(ശ്ലീഹാ 11:01-16)

പരിശുദ്ധ ദൈവമാതാവേ, ലോകത്തിന്റെ അതിർത്തികൾവരെ സാക്ഷ്യം വഹിക്കാനുള്ള നിന്റെ തിരുക്കുമാരന്റെ ആഹ്വാനം ശ്രവിച്ച മാർത്തോമ്മാ ശ്ലീഹാ വിദൂരസ്ഥമായ ഇ ഭാരതത്തിൽ വന്ന് ഞങ്ങൾക്ക് വിശ്വാസം പകർന്നു തരുകയും ഇവിടെ രക്തസാക്ഷിയായി മരിക്കുകയും ചെയ്തതിനെയോർത്ത് ധ്യാനിക്കുന്ന ഞങ്ങൾ ഈശോയ്ക്ക് വേണ്ടി മരിക്കുവാൻ പോലും സന്നദ്ധരാകുവാൻ സഹായിക്കണമേ.

1 സ്വർഗ്ഗ, 10നന്മ, 1ത്രിത്വ

Read More

' ORIENTE CATTOLICO' ('THE CATHOLIC EAST', 'പൗരസ്ത്യ കത്തോലിക്കൻ') ഇംഗ്ലീഷിൽ.

പൌരസ്ത്യ സഭകൾക്കുവേണ്ടിയുള്ള തിരുസംഘം 'Oriente Cattolico' ('പൌരസ്ത്യ കത്തോലിക്കൻ') എന്ന വാല്യത്തിന്റെ ആദ്യ ഇംഗ്ലീഷ് ഭാഷാ പതിപ്പ് പ്രസിദ്ധീകരിച്ചു. പൌരസ്ത്യ സഭകളെക്കുറിച്ചുള്ള വിലയേറിയ വിവരങ്ങൾ ഉൾകൊള്ളുന്ന പതിപ്പ്. ചരിത്രപരവും, ആനുകാലികവുമായ പശ്ചാത്തലത്തിൽ ലോകം മുഴുവനുമുള്ള പൌരസ്ത്യ കത്തോലിക്കരുടെ സമഗ്രമായ ഭൂപടങ്ങൾ കൂടാതെ കൂടുതൽ ഗഹനമായ പഠനത്തിനുപകരിക്കുന്ന ആധുനികവത്കൃത ഗ്രന്ഥസൂചികയും 'Oriente Cattolico' ('The Catholic East', 'പൗരസ്ത്യ കത്തോലിക്കൻ') പ്രദാനം ചെയ്യുന്നു


LINK TO PURCHASE
https://www.amazon.com/ORIENTE-CATTOLICO-Gianpaolo-Rigotti/dp/8897789404/ref=tmm_hrd_swatch_0?_encoding=UTF8&qid=1521798317&sr=8-

Read More