പരിശുദ്ധ മദ്ബഹാ

കിഴക്ക് പടിഞ്ഞാറായി നിർമ്മിച്ചിരിക്കുന്ന ദൈവാലയത്തിൻ്റെ കിഴക്കേഅറ്റത്താണ് മദ്ബഹായുടെ സ്ഥാനം. ഉദയസൂര്യൻ്റെ പ്രകാശക്കതിർ മദ്ബഹായിൽ പതിക്കത്തക്കവിധമാണ് അതിൻ്റെ സംവിധാനം. മിശിഹായാണ് ഉദയസൂര്യൻ. ദൈവത്തിൻ്റെ മഹത്വപൂർണ്ണമായ സാന്നിധ്യംകൊണ്ടും സ്വർഗ്ഗീയ ഗണങ്ങൾ അനവരതം ഉയർത്തുന്ന ദൈവസ്തുതികൾ കൊണ്ടും നിറങ്ങിരിക്കുന്ന സ്വർഗ്ഗത്തിൻ്റെ അനുഭൂതി മദ്ബഹാ പ്രദാനം ചെയ്യുന്നു. സ്വർഗ്ഗത്തിലേയ്ക്ക് എന്നതുപോലെയാണ് ആരാധനാ സമൂഹം മദ്ബഹായിലെയ്ക്ക് ദൃഷ്ടി ഉയർത്തി പ്രാർത്ഥിക്കേണ്ടത്